Sími: 588 1162 | verk@haskolaprent.is | Mán - Fös: 9-16

Prentskil

Að skila verki rétt í prent getur verið flókið.

Hér eru leiðbeiningar sem við vonum að komi að gagni, rétt prentskil hjálpa okkur að afgreiða verkefni fyrr og á lægra verði.

Við hvetjum viðskiptavini til að hafa samband ef eitthvað er sem þarf að útskýra nánar. það er allra hagur.  

Microsoft Word

Word

MS Word er vinsælasta ritvinnsluforrit í heimi og hefur fjölmarga frábæra eiginleika.  

Það eru hins vegar nokkur atriði sem verða að vera í lagi áður en skilað er í prent.

  • Blaðsíðustærð verður að vera rétt skilgreind, algengt er að MS Word sé stillt á rangar blaðsíðustærðir (td. US Letter)

  • Spássía verður að vera nægileg í bókum og skýrslum amk 2 cm.

  • Ef notuð er leturgerð sem er ekki hefðbundin, er best að skila verki í PDF til okkar, annars er hætt á að letur skili sér ekki

  • Hafa verður í huga að litir í MS Word verða aldrei nákvæmir, ef þörf er á nákvæmum litum þá mælum við með öðrum forritum

Við höfum nokkuð góða þekkingu á MS Word og getum því veitt aðstoð við uppsetningu, gegn hóflegu gjaldi

 

 

PDF

PDF

Að skila verki rétt í prent getur verið flókið. Hér að neðan eru leiðbeiningar sem við vonum að komi að gagni, rétt prentskil hjálpa okkur að afgreiða verkefni fyrr og á lægra verði.

Verk telst vera tilbúið til prentunar ef því er skilað á PDF skjali. Hins vegar verður að vanda til við gerð PDF skjala, því margt getur farið úrskeiðis.

  • Ef gera á PDF skjal frá MS Word er yfirleitt best að vista sem PDF með stillingum frá Microsoft, það gefur oftast besta raun. Ef vandamál koma upp þá er hægt að prófa aðrar leiðir eins og að prenta í PDF með þar til gerðum forritum.

  • Til að gera PDF er yfirleitt best að prenta í PDF og nota þá ávallt þær stillingar sem gefa mestu gæðin.Notendur Apple tölva eru með PDF skrifara innbyggðan í stýrikerfið, en notendur Windows gætu þurft að hlaða niður forritum til að gera þetta. Má þar nefna forrit eins og PDFCreator, PrimoPDF og fleiri

  • Passa verður að letur sé með í PDF skjalinu (embedded) en það getur skapað vandamál ef svo er ekki.

  • Ekki senda læst PDF skjöl.

Við hvetjum viðskiptavini til að hafa samband ef eitthvað er sem þarf að útskýra nánar. það er allra hagur. Ef þér vantar hjálp við gerð PDF skjala hafðu samband við okkur og við hjálpum þér fúslega.

 

Skurðarmerki og blæði

Ef litur eða myndir eiga að á út á jaðar pappír er nauðsynlegt að skila verki með skurðarmerkjum og blæði.

Blæði er skilgreint sem það svæði sem litur nær út fyrir prentflöt og hverfur í skurði. Því er mikilvægt að setja skurðarmerki líka. (sjá mynd)

Blæði þarf að vera lágmark 3 mm.

 

Litir í prentun - RGB / CMYK

RGB CMYK

Þar sem litir í prentun geta oft verið frábrugðnir þeim litum sem sést á skjá, er gott að hafa eftirfarandi atriði í huga:

  • Prentlitir og skjálitir nota ekki sama litakerfi og því getur verið tölverður munur á þeim lit sem sést á skjá og þeim litum sem prentaður er. Best er að gera prufur hjá prentsmiðju áður en framleitt er.

  • Forðast skal að hengja prófíla á myndir

  • Upplausn á myndum á helst ekki að vera lægri er 150dpi

  • Myndir teknar af vefsíðum eru sjaldnast nægilega góðar í prent

  • Aldrei nota PANTONE liti, þeir breytast oft töluvert í prentun

  • Myndum er best að skila í RGB, það borgar sig ekki breyta þeim í CMYK.Allar nánari upplýsingar um RGB vinnuferlið er hægt að nálgast á heimasíðu Samtaka Iðnaðarins

  • Litur pappírs getur haft áhrif á prentliti

 

Svartur litur í prentun

Þegar prenta á svartan lit verður að hafa í huga að til eru margar gerðir af svörtum lit. (sjá mynd hér að ofan)

Til að ná fallegur svörtum lit í prentun verður oft að blanda hann með öðrum litum. Hafa ber þó í huga að texti á alltaf að vera með óblandaðan svartan lit.

Hér eru nokkar uppskriftir af svörtum lit:

 
 CMYK gildi
Venjulegur svartur  0,  0, 0, 100 
Algengur prentsmiðjusvartur 25,15,1,100
Hlýr svartur  0, 60,30,100
Kaldur svartur  60,0,0,100
Hönnuða (Designer) svartur 70,50,30,100

Pappírsstærðir

Háskólaprent getur skilað verki á hvaða stærð sem viðskiptavinur óskar, þó er einfaldast og ódýrast að halda sig við staðlaðar pappírstærðir.

Algengar stærðir 
Stærð í millimetrum 
Nafnspjald 55x85
A6 105x148 
A5 148x210
B5 176x250
A4 210 x 297
A3 297x420
SRA3  320x450
Poster  330x488
A2 420x594
A1 594x841
A0 841x1185

Bækur

Þyngd pappírs er sennilega það hugtak sem flestir kannast við.  Flestir hafa heyrt minnst á 150g eða 80g pappír o.s.frv.

Þegar talað er um þyngd pappírs er í raun átt við þyngd arkar sem er einn fermetri að flatarmáli.  Þegar sagt er að pappír sé t.d.150g þýðir það í raun að örk af pappírnum sem er metri á hvern kant vegur 150g.

Þyngd pappírs segir ýmislegt um eiginleika hans.  Þungur pappír yfirleitt er þykkari en léttur og því einnig vanalega minna gagnsær.  Þyngdin segir hinsvegar ekki endilega til um styrkleika pappírsins.Þannig er t.d 100g óhúðaður pappír sterkari en 100g húðaður pappír, þar sem húðunarefnin auka þyngd pappírsins en ekki styrk hans.


Hér má sjá algenga þyngd nokkura pappírstegunda:

  • Ljósritunarpappír 80 G/m²

  • Algengur bókapappír 100-130 G/m²

  • Algengur pappír í bæklinga 130-170 G/m²

  • Nafnpjalda og kápupappír 250-350 G/m²