Funga

Sveppir gegna lykilhlutverki í lífríkinu með því að umbreyta plöntu og dýraleifum í einföld efnasambönd, sem plöntur og ýmis smádýr geta tekið upp, og viðhalda þannig hringrás næringarefnanna. Lífið í núverandi mynd væri óhugsandi án sveppa.

Sveppaþræðir mynda víðfeðmt net í jarðvegi sem tengist rótum plantna og aðstoðar þær við fæðuöflun. Í sambýli við þörunga mynda þeir fléttur, sem geta jafnvel lifað á beru grjóti.

En hvað eru þeir? Hvaðan koma þeir? Hvaða hlutverki gegna þeir, í lífríkinu, á jörðinni og í jarðvegi? Hvernig getum við notað þá? Eru þeir nauðsynlegir? Ef við getum notað þá, hvernig gerum við það?

Þessum spurningum og fleirum er velt upp í þessari bók um ríki sveppakóngsins. Ríki sem flestum er hulið bróðurpart lífsins því sveppir eru feimnir og lítið fyrir að sýna sig, jafn algengir og gagnlegir og þeir eru.

Þessi bók átti að vera framhald á bókinni Villigarðurinn, garðyrkjuhandbók letingjans sem kom út 1997 en stundum fara jafnvel bestu áætlanir veg allrar veraldar og verkið verður allt annað en lagt var upp með.

Höfundur er áhugamaður um náttúruna í öllum sínum myndum. Hann á heima í Reykjavík.

ATH. Þetta er ekki lagervara hjá okkur (hver bók sérprentuð)  þannig að afgreiðsla tekur nokkra daga